Eco Rating
Vlerësimi Mjedisor (Eco-Rating) – Në Vodafone, qëllimi ynë është të ndërtojmë një shoqëri dixhitale që rrit progresin ekonomiko-social, të ofrojmë mbështetje për të gjithë, dhe sigurohemi ti realizojmë këto pa sjellë kosto për planetin tonë.
Për të sjellë në vëmendjen e klientëve tanë të qenit të përgjegjëshëm për mjedisin, së bashku me të gjithë operatorët e tjerë në Europe, Vodafone prezanton Eco-Rating, një sistem të harmonizuar pikësh për të vlerësuar performancën mjedisore të aparatëve celular, kur klientët zgjedhin të blejnë në dyqanet Vodafone apo online.
Eco Rating vlerëson impaktin e aparatëve celular smart dhe karakteristikave e tyre mbi mjedisin tonë, përgjatë të gjithë ciklit të tyre jetësor. Ai konsiston në një vlerësim të përgjithëshëm dhe të lehtë për tu aksesuar. Aparatet me vlerësimin më të lartë (nga 1 në 100) janë aparatet më të qëndrueshëm dhe më pak të dëmshëm për mjedisin tonë.
Përpos vlerësimit të përgjithshëm, do të shfaqet gjithashtu vlerësimi i detajuar i aparatit, lidhur me interesa specifike te klientit. Vlerësimi i detajuar përfshin qëndrueshmërinë, riparueshmërinë dhe eficencën e aparatit ndaj klimës. Qëndrueshmëria në këtë rast tregon jetëgjatesinë e pritur të garantuar të aparatit, jetëgjatësinë e baterisë dhe të komponentëve të tjerë të tij. Mundësia e riparimeve të thjeshta dhe kohëzgjatja për përditësimin e sofëare-ve nga prodhuesi pasqyrohen në vlerësimin e riparueshmërisë. Eficenca e aparatit ndaj klimës mer në konsideratë një spekter të gjerë faktorësh, si lenda e parë, prodhimi i aparatit duke përdorur plastikë të ricikluar, përdorimi i mineraleve dhe metaleve si dhe shmangja e pjesëve të panevojshme në kuti (si për shembull plastika, karikuesi).
Sistemi i Vlerësimit
Eco Rating është një sistem i harmozinuar pikësh për të vleresuar performancën mjedisore të aparateve celular. Impakti mjedisor dhe qëndrueshmëria e aparateve vlerësohen nëpërmjet një procesi të gjatë, i cili përfshin vlerësimin e lëndës së parë, prodhimin, transportin, përdorimin dhe asgjësimin e aparateve në fund të jetës së tyre.
-
Qëndrueshmëria
Fuqia dhe jetëgjatësia e aparatit. Vlerësim i jetëgjatësisë së baterise, jetëgjatësisë së komponentëve përbërës dhe të aparatit celular në tërësi.
-
Riparueshmëria
Lehtësia me të cilën një aparat mund të riparohet. Sa me i lartë vleresimi, aq më e ulet është kosto mesatare e riparimit.
-
Riciklueshmëria
Lehtësia me të cilen komponentët mund të rikuperohen dhe të cmontohen, informacioni në dispozicion për ta mundësuar këtë gjë, si dhe shkalla e riciklimit të materialeve.
-
Eficenca ndaj burimeve
Vlerëson sasinë e nevojshme të lendeve të rralla – për shembull floriri për prodhimin e komponentëve elektronik. Sa më e vogel sasia e kërkuar për këto lloj lëndesh të rralla, aq më i lartë është vlerësimi në pikë.
-
Eficenca ndaj klimës
Clirimi i gazrave serë në atmosferë përgjatë të gjithë ciklit jetësor të aparatit. Aparatet të cilat janë më eficente ndaj kësaj dukurie, kanë një vlerësim në pikë më të larte.
Metodologjia Eco-Rating
Sistemi Eco-rating përdor si input informacionin e mundësuar nga prodhuesit rreth aparateve celular, që ata dizenjojnë dhe prodhojnë. Ky informacion shërben për të vlerësuar performancën mjedisore të aparateve. Vlerësimi realizohet duke kombinuar 13 indikatorë mjedisorë të ndryshëm dhe 6 kritere të eficences materiale, për të arritur në një vleresim të vetëm për secilin aparat celular të analizuar.
Ne jemi kujdesur të zhvillojme metodologjine tonë të ndërtuar mbi dije dhe mbi praktikat më të mira të industrisë, të mbledhura nga sisteme të ndryshme vlerësimi mjedisor. Vodafone operon duke ruajtuar standarte relevante dhe duke respektuar direktiva ndërkombëtare, si direktivat e BE, ITU-T, ETSI, standartet ISO dhe duke prezantuar parametra të rinj në rastet e nevojshme.
-
Lënda e parëKjo është faza e parë që përfshin të gjithë implikimet e resurseve të përdorura. Shembuj të lëndës së parë janë: floriri që nevojitet për konektorët, litiumi që nevojitet për bateritë, mineralet për pjesën e jashtme (kapakun), silikoni për qarkun e integruar dhe të tjera materiale të rralla për ekranin. Sa më shumë materiale të riciklueshme, dhe sa më pak materiale të ralla dhe të pariciklueshme të përdoren, aq më i lartë është vlerësimi mjedisor (Eco-Rating).
-
ProdhimiProdhimi është faza në të cilën komponentët e ndryshëm të aparatit celular, prodhohen dhe montohen për të sjellë produktin në fazën përfundimtare. Ky proces përfshin paketimin (plastikën) dhe aksesorët (karikues, fishë). Komponentët kryesore të prodhuar të një aparati celular janë qarku elektronik, bateria, ekrani, touchi, antena, kamera dhe kapaku(pjesa e jashtme). Eco-rating mat impaktin e kësaj faze në mjedisin tonë, duke marë në konsideratë clirimin në atmosphere të dioksidit të karbonit, konsumin e energjisë dhe shumë faktorë të tjerë mjedisorë.
-
TransportiPasi aparati celular është montuar, ai dërgohet nga vendi i prodhimit drejt destinacionit të përcaktuar të tij. Distanca dhe lloji i transportit (detar/ajror) meren në konsideratë dhe impakti i tyre në mjedis vlerësohet me kujdes (për shëmbull clirimi në atmosfere i dioksidit të karbonit).
-
Përdorimi dhe pjesët e këmbimitNë fazën pasuese, klienti mer në pronesi aparatin celular dhe e përdor atë për disa vite. Në këtë fazë vlerësohet impakti pozitiv mjedisor i pajisjes, si qëndrueshmëria, aftësia për tu përditesuar nga ana softëare-ike, riparueshmëria por gjithashtu edhe implikimet si konsumi i energjisë/karikimi.
-
Fundi i jetës së aparatit celularNë fazën e fundit të jetës së aparatit celular meren në konsideratë aspekte mjedisore të lidhura me ndotjen e mjedisit, si në rastin e hedhjes së aparatit në plehra. Në këtë fazë vlerësohet sesa lehtë mund të rinovohet ky apparat celular, ose sa lehtë të riciklueshme janë komponentët përbërës të tij, metal apo plastikë.