Vodafone Albania sh.a. respekton privatësinë tuaj dhe është e angazhuar për mbrojtjen e të dhënave tuaja personale. Kjo Deklaratë Privatësie shpjegon mënyrën se si përpunohen të dhënat personale të vizitorëve në ambientet tona.

Kush jemi ne
Ne jemi Vodafone Albania sh.a. Ne jemi pjese e grupit Vodafone. Nëse shkoni në Rreth Vodafone Albania ju mund të gjeni informacion me te thelluar mbi kompaninë tonë.

Në disa rrethana, Vodafone Group Services Limited (VGSL) kontrollon disa procese per të dhënat tuaja personale bashkerisht me ne. Selia e VGSL është Vodafone House, The Connection Newbury, Berkshire RG14 2FN. Shoqëri e regjistruar në Mbretërinë e Bashkuar me numër regjistrimi 03802001. Nëse nuk specifikohet ndryshe në një deklaratë të veçantë privatësie, mënyra se si përpunohet informacioni juaj personal do të mbetet në përputhje me formulimin e kësaj deklarate të privatësisë.

Selia jonë është në Autostradën Tiranë- Durrës, Rruga Pavaresia, Nr.61, Kashar, Tiranë. Ne jemi të regjistruar pranë Qendrës Kombëtare të Biznesit me Numër Unik të Identifikimit të Subjektit (NIPT) me Nr. K11715005L. Vodafone Albania është regjistruar pranë Zyrës së Komisionerit për të Drejtën e Informimit dhe Mbrojtjen e të Dhënave Personale (IDP).

Mënyrat tona kryesore për kontaktimin tonë janë +355 699000140 ose mund të na dërgoni email në [email protected].


Si të na kontaktoni
Mendimi juaj ka rëndësi për ne – nëse keni ndonjë pyetje në lidhje me deklaratën tonë të privatësisë, mund të na dërgoni email në: [email protected] ose mund të vizitoni faqen e suportit. Mund të kontaktoni Oficerin tonë për Mbrojtjen e të Dhënave në [email protected]


Parimet tona
Vodafone është e përkushtuar të respektojë privatësinë tuaj. Ne e marrim seriozisht privatësinë, sigurinë dhe respektimin e ligjeve për mbrojtjen e të dhënave dhe të privatësisë. Ne kemi në thelbin tonë Rregullore e Privatësisë | Vodafone në qendër të Politikave tona të Privatësisë. Ne synojmë t'i vendosim këto angazhime në qendër të gjithçka që bëjmë.

Fusha e zbatimit
Ky njoftim zbatohet për të gjithë vizitorët, përfshirë: Vizitorë biznesi; Furnitorë dhe kontraktorë; Kandidatë për punësim; Vizitorë në takime ose evente; cdo person tjetër që viziton ambientet e Vodafone Albania.

Informacioni personal që mbledhim për ju
Gjatë vizitës tuaj, ne mund të mbledhim këto kategori të dhënash: Të dhëna identifikuese (emër, mbiemër, nr.pasaportës; Të dhëna për kartën ose lejen e aksesit; Nënshkrimin tuaj; Datën dhe orën e hyrjes dhe daljes; Pamje dhe regjistrime video nga CCTV; Targën e automjetit (nëse përdorni parkimin). Ne mbledhim vetëm të dhënat e nevojshme për qëllimet e përcaktuara.

Si i përdorim të dhënat tuaja personale dhe baza jonë e ligjshme për ta bërë këtë
Të dhënat e vizitorëve përpunohen për: Menaxhimin e aksesit në ambientet tona; Sigurimin e sigurisë fizike të personave dhe pronës; Mbajtjen e regjistrave të vizitorëve; Menaxhimin e shëndetit dhe sigurisë; Parandalimin e aksesit të paautorizuar dhe incidenteve të sigurisë; dhe përmbushjen e detyrimeve ligjore dhe rregullatore.

Kurdoherë që përdorim informacionin tuaj personal, ne e bëjmë këtë bazuar në një bazë ligjore specifike sipas ligjit për mbrojtjen e të dhënave të listuara më poshtë:

1. Interesat legjitime të Vodafone për shembull, për sigurinë dhe mbrojtjen e ambienteve. Kurdoherë që ne mbështetemi në këtë bazë të ligjshme për të përpunuar të dhënat tuaja, ne vlerësojmë interesat tona legjitime për t'u siguruar që ato të mos i tejkalojnë të drejtat tuaja.

2. Pajtueshmëria me një detyrim ligjor.

3. Pëlqimi aty ku e keni dhënë me vullnetin tuaj të lirë. Pëlqimi mund të tërhiqet në çdo kohë.

Vodafone Albania përdor sisteme CCTV në dhe përreth ambienteve të saj për qëllime sigurie.Pamjet përdoren vetëm për siguri dhe mbrojtje. Ato aksesohen vetëm nga persona të autorizuar dhe ruhen për një periudhë të kufizuar, përveç rasteve hetimore ose ligjore. Sinjalistika përkatëse është e vendosur në zonat e monitoruara.

Transferimet ndërkombëtare të të dhënave
Për qëllime të mundësimit të shërbimeve tona sa më mirë, Vodafone mund t’i duhet të transferojë të dhëna tuaja personale kompanive të tjera të Grupit Vodafone (për shembull qendrat tona Vodafone Intelligence Solutions(VOIS) të vendosura në Egjipt, Hungari dhe Indi, të cilët ofrojnë mbështetje për klientët) ose ofrues të shërbimeve në vende të Zonës Ekonomike Europiane (EEA). EEA përbëhet nga vende të Bashkimit Europian, Zvicra, Islanda, Lihtenshtajni dhe Norvegjia: ato konsiderohen të kenë ligje ekuivalente me ato të Bashkimit Europian kur bëhet fjalë për mbrojtjen e të dhënave dhe privatësinë. Nëse Vodafone dërgon informacionin tuaj në një vend që është në EEA ose jashtë Zonës Ekonomike Europiane (EEA), ne do të sigurohemi që informacioni juaj të jetë i mbrojtur siç duhet, në përputhje me ligin 124/2024 “Për Mbrojtjen e të dhënave Personale”, Vendimin Nr. 8/2016 “Për Përcaktimin e Shteteve me Nivel të Mjaftueshëm të Mbrojtjes së të Dhënave Personale” të Komisionerit për Mbrojtjen e të Dhënave Personale si dhe Udhëzuesi i vitit 2014 i Komisionerit për të Dhënat Personale për transferimin ndërkombëtar të të dhënave personale dhe Formulari përkatës.

Për sa kohë i mbajmë të dhënat tuaja personale
Ne do ta ruajmë informacionin tuaj për aq kohë sa duhet me ligj. Nëse nuk ka asnjë kërkesë ligjore, ne do ta ruajmë atë vetëm për aq kohë sa na nevojitet. Në disa raste, disa prej të dhënave që parimisht nuk ruhen nga Vodafone, mund të ruhen për shkak të rrethanave të veçanta, si p.sh. hetim gjyqësor.

Të drejtat tuaja
E drejta për të aksesuar të dhënat personale - Ju keni të drejtë të bëni një kërkesë për një kopje të të dhënave personale që Vodafone mban për ju.
E drejta për të korrigjuar të dhënat personale- Ju keni të drejtë të korrigjoni informacionin e mbajtur për ju nëse nuk është i saktë. Në rast se informoheni që të dhënat tuaja nuk janë të rregullta, të vërteta ose të sakta, keni të drejtë të kërkoni korrigjimin e të dhënave personale.
E drejta për të kundërshtuar përpunimin ku ne mbështetemi në interesat tona legjitime
E drejta për të tërhequr pëlqimin - Ju mund ta tërhiqni pëlqimin tuaj në çdo kohë pas dhënies së tij. Në varësi të mënyrës se si e keni dhënë pëlqimin tuaj, ju duhet të jeni në gjendje ta tërhiqni pëlqimin tuaj në të njëjtën mënyrë.
E drejta për të kufizuar përdorimin e të dhënave tuaja - Nëse mendoni se të dhënat që ju mbajmë janë të pasakta ose besoni se nuk duhet t'i përpunojmë të dhënat tuaja, ju keni të drejtën të na kërkoni të kufizojmë përpunimin.
E drejta e fshirjes - Vodafone përpiqet të përpunojë dhe ruajë të dhënat tuaja vetëm për aq kohë sa na nevojitet. Në rrethana të caktuara, ju keni të drejtë të kërkoni që ne të fshijmë të dhënat tuaja personale që mbajmë.

Si të bëni një ankesë
Nëse dëshironi të na kontaktoni për ndonjë nga të drejtat tuaja ose nëse ankoheni për mënyrën se si ne përdorim informacionin tuaj, kontaktoni ekipin tonë të Shërbimit ndaj Klientit ose na dërgoni email në [email protected]. Ne do të bëjmë çmos për të ndihmuar, por nëse nuk jeni ende të kënaqur, mund të kontaktoni Zyrën e Komisionierit Për Informimin dhe per Mbrojtjen e të Dhënave Personale [IDP-në – detajet e tyre janë në https://idp.al/