Çfarë është Discover Graduate?

Discover Graduate është programi kryesor i Vodafone për talentet e reja në fillimet e karrierës, studentët e vitit të fundit dhe të diplomuarit e rinj që janë gati të hedhin hapin e parë të madh në botën profesionale. Ky program është ndërtuar për të përshpejtuar zhvillimin tënd përmes rotacioneve të strukturuara, projekteve me ndikim të drejtpërdrejtë dhe një komuniteti të fuqishëm ndërkombëtar të të diplomuarve në mbi 18 vende.

Si pjesë e këtij programi, do të përfshihesh në fusha të ndryshme të biznesit, do të zhvillosh aftësi të kërkuara në treg dhe do të kontribuosh në projekte që sjellin vlerë reale për klientët dhe komunitetin. Krahas mentorimit, programeve të të mësuarit dhe bashkëpunimit ndërfunksional, do të jesh pjesë e një kulture të udhëhequr nga vlerat që do të shërbejnë si themel për suksesin tënd të ardhshëm.

Në Vodafone Albania, programi Discover Graduate hapet një herë në çdo dy vite, zakonisht rreth muajit Shtator ose Tetor. Qëllimi ynë është të përzgjedhim talentet më premtuese përmes një procesi vlerësimi të thelluar, për të identifikuar ata që janë gati të rriten, të sjellin risi dhe të udhëheqin.

Procesi i përzgjedhjes është i detajuar dhe mund të zgjasë pak më shumë se zakonisht, por kjo për të na mundësuar të njohim më mirë ty, aftësitë dhe potencialin tënd. Kur programi të jetë i hapur, do të gjendet në Portalin e Karrierës së Vodafone Albania dhe mund të aplikosh direkt aty. Për të mos humbur njoftimet, sigurohu të ndjekësh faqen tonë Vodafone Albania Careers në Instagram dhe mos humbisni asnjë lajmërim për hapjen e aplikimeve.

Kush mund të aplikojë

Studentë të vitit të fundit apo të diplomuar të rinj (Bachelor ose Master), që janë të etur për rritje, me më pak se 1 vit eksperiencë në sektorin e telekomunikacionit apo teknologjisë.